4 na Oportunidad Magtrabaho sa Industriya ng Pagsusugal

Kapag nabanggit ang industriya ng pagsusugal, kadalasan ang unang pumapasok sa isipin ng karamihan ay ang mga dealer, croupier, slot attendant, service, o casino host. Pero higit pa riyan ang mundo ng sugal lalo na ngayong lumaganap ang mga online casino at sports book sa bansa. 

Ayon sa datos mula sa PAGCOR, mahigit 180,000 katao na ang direktang o hindi direktang nagtatrabaho sa industriya ng sugal sa Pilipinas. Malaki ang kontribusyon nito hindi lang sa ekonomiya kundi pati sa job market para sa mga bagong graduate. At habang nagiging mas digital at global ang operasyon, mas lumalaki rin ang pangangailangan para sa mga bagong talentong may kakaibang skillset sa iba’t-ibang larangan.

Kung naghahanap ka ng kakaibang karera sa industriya ng sugal, heto ang apat na posisyon at oportunidad na pwede mong subukin.

Game Developer

Ang mga game developer ang tunay na mga henyo ng industriya. Kapag walang humuhubog at lumilikha ng mga larong pang-casino, walang casino. Sila ang mga naglilimbag ng mga mga slot machine software, digital card games, pati  mga live dealer casino games na ginagamit sa buong mundo.

Maraming posisyon sa loob ng game development. Merong editor, producer, designer, programmer, quality assurance technician, at artista. Kung malikhain ka at meron kang teknikal na kaalaman sa coding, UX design, at minsan pati math para sa mga algoritmo ng mga random number generator (RNG), marahil pwede mong pasukin ang karerang ito. .

Sa Pilipinas, mabilis lumalago ang demand para sa mga laro na nakatutok sa lokal na mga kliyente tulad ng gbaccarat, sabong-inspired games, at slots. Ang mga developer dito ay may pagkakataon hindi lang gumawa ng software, kundi magdisenyo ng larong tugma sa hilig ng mga manlalaro sa Pilipinas.. Kung graduate ka ng computer science, IT, o digital arts, malaking oportunidad ito para makapasok at mag-specialize sa isang global industry na patuloy ang paglago.

Bookmaker / Sports Trader

Kung mahilig ka sa mga bilang at probabilidad, ang bookmaker o odds/sports trader ay marahil mabuting landas para sa iyo. Ang trabaho nila ay gumawa at mag-adjust ng mga betting odds para tiyakin na panalo pa rin ang plataporma anuman ang resulta ng laro.

Dito pumapasok ang matinding pang-unawa sa teorya ng probabilidad, sports analytics, at mabilis na pagpapasya. Halimbawa, kung may ma-injure na manlalaro sa isang PBA game, kailangan mong i-adjust ang odds bago pa man kliyenteng makapusta. 

Compliance Manager

Sa likod ng lahat ng kumikislap na ilaw at jackpot buzzers, nandiyan ang mga compliance managers. Tinitiyak nila na ligal ang pamamalakad at sumusunod sa mga tuntunin ng PAGCOR ang mga lokal na casino tulad ng Solaire, Okada, atbp, at gayundin ang mga online casino at sportsbook katulad ng Casino ng Dragon Slots.

Tungkulin nilang bumuo ng mga patakaran sa loob ng casino, magsiyasat, mag-audit, at mag-imbestiga ng anumang isyu ukol sa seguridad o compliance. Ang posisyong ito ay nakatuon sa proteksyon ng mga manlalaro at tiyakin na patas ang mga resulta at mapagkakatiwalaan ang lahat ng aktibidad ng naturang casino.

Kadalasan, dapat kang nakapagtapos sa law, audit, o accounting. Gayundin, sa larangang ito, mahalaga rin ang malalim na kaalaman sa mga regulasyon at patakaran ng industriya batay sa pamamalakad ng PAGCOR. Habang mas humihigpit ang batas at mas dumarami ang digital platforms, mas tumataas ang pangangailangan ng mga propesyonal sa larangang ito.

Security Analyst

Kung ang compliance manager ay para sa batas, ang security analyst naman ay para sa teknikal na proteksyon. Sila ang nagbabantay laban sa hackers at cyberattacks—pinoprotektahan ang milyun-milyong pisong dumadaan sa e-wallets at online payment channels tulad ng GCash at Maya.

Responsibilidad nilang subaybayan ang mga sistema, maghanap ng mga vulnerability, at mag-update ng software para laging ahead sa cyber threats. Samakatuwid, ang anumang hack ay maaring makapinsala sa reputasyon ng plataporma, at higit sa lahat, ang pagkawala ng salapi ng libu-libong manlalaro—pisikal o online man ang naturang casino. 

Magandang simula ang magkaroon ng degree sa cybersecurity, IT, o computer science bagaman may mga kumpanya pa ring kumukuha ng mga graduates mula sa ibang larangan kung angkop ang kanilang mga kakayanan sa posisyon. Sa panahon ngayon kung saan lahat ay digital, hindi lang luho kundi pangangailangan ang trabaho ng isang security analyst.

Buod

Hindi lang dealers o slot attendants ang kabuuan ng mga trabahong pwedeng pasukan sa larangan ng industriya ng sugal sa Pilipinas. Para sa bagong henerasyon ng graduates, napakaraming oportunidad sa likod ng digital casino tables at online slots.

Mula sa malikhain at teknikal na trabaho ng mga game developer, sa mabilisang pagkilos at pagsuri ng bookmakers, sa kaalamang ligal ng mga compliance managers, hanggang sa pagmamasid ng mga security analyst—lahat ng ito ay pwedeng magbigay-daan sa isang mapagpalang karera sa industriya ng pagsusugal.